"په‌یڤێک
بۆ فواد"
جه‌مشید به‌هرامی
له‌و کاته‌وه که باڵی بیرم چاوی ترووکاندووه تۆ فوادی، فوادی من، فوادی ئه‌و
فوادی ئێمه... تۆ فوادی، فوادی نێو بیروه‌ری دایکانی من، تۆ فوادی نێو قاپی سه‌ر
ره‌فه‌ی ماڵه‌کانی، تۆ فوادی وره و هێز و گوڕی...
تۆ؛ تۆی ئه‌م چیا پچڕ پچڕه، تۆی نیشتمانی به سنوور ته‌نراو، تۆی داربه‌ڕووه‌کانی ئه‌م نیشتمانه، تۆی وره‌ی چه‌که‌کانی به‌رگری ئه‌م هه‌واره، تۆی هه‌نسکه تاقه‌ت پڕووکێنه‌کانی بێ تۆیی که پڕن له تۆ...
تۆ، تۆی ئه‌ستێره، تۆی مانگ، تۆی هاوڕێی رێبوارانی هه‌ورازه باڵابه‌رزه‌کان، تۆی چه‌ک له ده‌ست، تۆی ئه‌وین و حه‌زی چراکانی ئاسمانی سه‌ر نیشتمان، تۆی بوخچه گرێدراوه‌کانی قاسپه‌ی که‌وه‌کانی نیشتمان که لێوانلێون له ئه‌وینی تۆ...
تۆ؛ تۆی جووتیار و باران و کۆلکه‌زێڕینه، تۆی سمڵ و مێخه‌کبه‌ندی سه‌ر سینگی دایه، تۆی وره و ئازاری رێ، تۆی هه‌ڵاڵه‌برمه‌ی کوێستانی نیشتمان، تۆی هه‌موو گوڵه‌کانی نیشتمان که ساڵانێکه ئاوێته‌ن به بۆنی تۆ...
زۆر له مێژه تۆ ده‌ناسم، فواد ده‌ناسم، فواد هاوڕێی هزری منداڵی تا ئێسته‌مه، فواد هانده‌ری نێو زیندان و سیاچاڵه‌کانه ئه‌و کاته‌ی دوای ئه‌شکه‌نجه له نێو سلووله‌که‌ت پاڵت به دیواره‌که‌وه داوه و چاو ده‌نووقێنی و ئه‌و ده‌بێته میوانت، دێت و ده‌بێته میوانی خولیای نێو سلووله‌که‌ت، دێت و له ئامێزت ده‌گرێ و ده‌ڵێ خۆڕاگر به، خۆڕاگر به...
من فوادم له نێو چرکه چرکی کاتژمێرکه‌ی سه‌ر دیواره‌که‌دا بینی ئه‌و کاته‌ی که گوێم بۆ ته‌قه‌تفه‌نگه‌کانی به‌رگری نێو گونده‌که رائه‌دێرا؛ ئه‌و کاته‌ی قڵپه‌ی گریانی دایه به "ئاخ رۆڵه فواد گیان"ـه‌وه ده‌ستی پێده‌کرد، ئه‌و کاته‌ی که چه‌ک له شانه پرچ درێژه‌که دیاری له فواده‌وه بۆ هێنابووین...
من فوادم له کۆڵانه تاریکه‌کانی بیرمدا دۆزیه‌وه ئه‌و کاته‌ی که په‌یڤێک کوێره‌رێگاکانی بۆم روون ده‌کرده‌وه، ئه‌رێ ئه‌و بوو، ئه‌و فواد بوو، به بزه‌یه‌که‌وه وانه‌ی خۆشه‌ویستی وڵاتی پێده‌به‌خشیم...
من فوادم له نێو رۆژنامه و کتێبدا نه‌ناسی، من فوادم به شریخه‌ی چه‌کی باڵابه‌رزه چه‌ک له شانه‌کانی ئه‌م وڵاته‌وه ناسی، من فوادم له بزه‌ی پرچی کچه پێشمه‌رگه‌که‌وه ناسی که باسی فوادی بۆ ده‌کردم، من فوادم به بۆنی سینگی دایکی نیشتمانه‌وه ناسی، کاتێک که بۆ فواد هه‌ڵده‌قرچا...(بۆ خوێندنه‌وه‌ی درێژه‌ی بابه‌ت لێره کرته بکه)
من فوادم له رێی گێڕاننه‌وه‌ی تی‌ڤی‌یه‌کانه‌وه نه‌ناسی، من فوادم به فرمێسکی
کانییه‌که‌ی "بستام1"ـه‌وه ناسی، ئه‌و کاته‌ی که سی ساڵ دوای دوایین
ته‌قه تفه‌نگی فواد، من له سه‌ر چۆک له په‌نایدا دانیشتبووم و ئه‌و، ئه‌و
کانییه پرچ درێژه‌که، ئه‌و کانییه‌ی که فواد بۆ دوایین جار به بزه‌یه‌که‌وه
ده‌ستی خستبووه سه‌رشانی و قومه ئاوێکی لێ خواردبووه‌وه، چارۆگه‌ی خه‌می له
کۆڵنابوو، له فرمێسکی ئه‌م هه‌مووه ساڵه‌ی به‌شی هه‌موو رێبوارێکی نیشتمانی ده‌دا و هه‌ڵده‌قوڵا و باسی چریکه چه‌کی
فوادی بۆ ده‌کردم...تۆ؛ تۆی ئه‌م چیا پچڕ پچڕه، تۆی نیشتمانی به سنوور ته‌نراو، تۆی داربه‌ڕووه‌کانی ئه‌م نیشتمانه، تۆی وره‌ی چه‌که‌کانی به‌رگری ئه‌م هه‌واره، تۆی هه‌نسکه تاقه‌ت پڕووکێنه‌کانی بێ تۆیی که پڕن له تۆ...
تۆ، تۆی ئه‌ستێره، تۆی مانگ، تۆی هاوڕێی رێبوارانی هه‌ورازه باڵابه‌رزه‌کان، تۆی چه‌ک له ده‌ست، تۆی ئه‌وین و حه‌زی چراکانی ئاسمانی سه‌ر نیشتمان، تۆی بوخچه گرێدراوه‌کانی قاسپه‌ی که‌وه‌کانی نیشتمان که لێوانلێون له ئه‌وینی تۆ...
تۆ؛ تۆی جووتیار و باران و کۆلکه‌زێڕینه، تۆی سمڵ و مێخه‌کبه‌ندی سه‌ر سینگی دایه، تۆی وره و ئازاری رێ، تۆی هه‌ڵاڵه‌برمه‌ی کوێستانی نیشتمان، تۆی هه‌موو گوڵه‌کانی نیشتمان که ساڵانێکه ئاوێته‌ن به بۆنی تۆ...
زۆر له مێژه تۆ ده‌ناسم، فواد ده‌ناسم، فواد هاوڕێی هزری منداڵی تا ئێسته‌مه، فواد هانده‌ری نێو زیندان و سیاچاڵه‌کانه ئه‌و کاته‌ی دوای ئه‌شکه‌نجه له نێو سلووله‌که‌ت پاڵت به دیواره‌که‌وه داوه و چاو ده‌نووقێنی و ئه‌و ده‌بێته میوانت، دێت و ده‌بێته میوانی خولیای نێو سلووله‌که‌ت، دێت و له ئامێزت ده‌گرێ و ده‌ڵێ خۆڕاگر به، خۆڕاگر به...
من فوادم له نێو چرکه چرکی کاتژمێرکه‌ی سه‌ر دیواره‌که‌دا بینی ئه‌و کاته‌ی که گوێم بۆ ته‌قه‌تفه‌نگه‌کانی به‌رگری نێو گونده‌که رائه‌دێرا؛ ئه‌و کاته‌ی قڵپه‌ی گریانی دایه به "ئاخ رۆڵه فواد گیان"ـه‌وه ده‌ستی پێده‌کرد، ئه‌و کاته‌ی که چه‌ک له شانه پرچ درێژه‌که دیاری له فواده‌وه بۆ هێنابووین...
من فوادم له کۆڵانه تاریکه‌کانی بیرمدا دۆزیه‌وه ئه‌و کاته‌ی که په‌یڤێک کوێره‌رێگاکانی بۆم روون ده‌کرده‌وه، ئه‌رێ ئه‌و بوو، ئه‌و فواد بوو، به بزه‌یه‌که‌وه وانه‌ی خۆشه‌ویستی وڵاتی پێده‌به‌خشیم...
من فوادم له نێو رۆژنامه و کتێبدا نه‌ناسی، من فوادم به شریخه‌ی چه‌کی باڵابه‌رزه چه‌ک له شانه‌کانی ئه‌م وڵاته‌وه ناسی، من فوادم له بزه‌ی پرچی کچه پێشمه‌رگه‌که‌وه ناسی که باسی فوادی بۆ ده‌کردم، من فوادم به بۆنی سینگی دایکی نیشتمانه‌وه ناسی، کاتێک که بۆ فواد هه‌ڵده‌قرچا...(بۆ خوێندنه‌وه‌ی درێژه‌ی بابه‌ت لێره کرته بکه)
من فوادم به گه‌ڵای پیره‌داره‌کانی "ئوردووگای کانیمیران2"ـه‌وه ناسیه‌وه، کاتێک بۆ یه‌که‌م جار له سێبه‌ری پیره‌داره‌کاندا جگه‌ره‌ی چاره‌نووسم ده‌کرده دووکه‌ڵ، گه‌ڵاکان باسی دوایین په‌یڤی فوادیان بۆ ده‌کردم...
من له کوێستانه‌کان، له ژێر سێبه‌ری داربه‌ڕووه‌کان، له لێڕه‌وار، له به‌رزایی، له په‌نای کانیاوه‌کان، له چریکه‌ی باڵنده‌کان، له سه‌ر باڵی چۆله‌که‌کان، له نێو چنارستانه‌کانی نیشتمان، له سه‌رما و سۆڵه و کوڵه کوڵه‌ی هاوینی فیراقدا فوادم بینیه‌وه کاتێک له شه‌وێکی مانگه‌شه‌وی بێ ئه‌ستێره‌دا رێبوارێکی چه‌ک له شان به‌ره‌و ئه‌ستێره هه‌نگاوی هه‌ڵده‌هێنا...
1 بستام: بستام گوندێکه له سه‌ر رێگای سه‌قز مه‌ریوان؛ له به‌رواری 9ی خه‌رمانانی ساڵی 1358 کاک فواد هاوڕی له‌گه‌ڵ ته‌هموورس ئه‌کبه‌ری له شه‌ڕێکدا له په‌نای گوندی بستام گیانی به‌خت کرد.
2 ئوردووگای کانیمیران: شوێنی "کۆچی مێژوویی خه‌ڵکی مه‌ریوان به رێبه‌ری کاک فواد".
